بسم الله الرحمن الرحيم
حصل حاجتين يا جماعة خلانى اكتب الموضوع ده ... وده لانى مؤمن ان الحكاية دي عمرها ما كانت هتحصل الا في مصر ...
الحكاية الاولى ان ليا واحد صاحبي في ميكانيكا انتاج طلعت النتيجة انو شال 3 مواد في سنة اولى وده معناه كدة انو عاد السنة .. ويشاء العزيز القدير ان نتيجته تظهر بعد 4 اشهر وتقول ان الراجل نجح
انا بأمانة مش فاهم ايه اللى حصل .. هل مثلا الكومبيوتر كان مهنج بقاله 3 شهور .. ولا يمكن الورق خلص واتكسفوا يطبعوا ناجح على ورق الحمام قالوا اما نسقطه اسهل ... حاجة تانية .. لو ده كان ابن دكتور مثلا هل كان هيستنى برضو 4 شهور كدة وهوا عارف انو المفروض ينجح وفي الاخر يقلولوا سقطت وبعدين يقولوا انت نجحت ... طب مثل لو كانوا بيصوروا الكاميرا الخفية كنا قلنا ماشي انما ان ده يحصل في كلية زي كلية الهندسة .... فده مينسكتش عنه لان ده استهتار حد من الموظفين من اصغرهم لأكبر راس في السلم الادارى ... ماهو بقى العملية زادت عن الحد ومبقاش فيها خوف
يعني قالولنا هنديكو فلوس مكافأة الثانوية العامة ومدوهلناش وضحكوا علينا وقالوا انتو محدش قالكوا تخشوا هندسة شبرا ... قلت يا واد مش مهم اهو نتصدق على العميد .. يمكن مزنوق في كوتشي أديداس ولاحاجة وعايزيشتريه ... اهه يبر نفسه برضه الراجل طول عمره بيلبس باتا .. منطلعش احنا قلالات الاصل ونقلوا عايزين مكافأة ... كمان بأمانة كدة ناخد مكافأة على ايه .. على غباءنا اننا دخلنا هندسة ... ده حتى يا اخى يبقى نكران للجميل مش الحكومة علمتنا ببلاش .. في ظل توجيهات السيد الزعيم والسيدة حرمه والسيد ابنه .. وبالمرة ابن خالته وتيتي واونكل ... ما هو طول ما احنا تحت حكم اسرة مو - با - راك حاكم وادي النيل وموحد القطرين يبقى الواد صاحبي ده المفروض ينزلوا اعتذار رسمي .. ده لو كنا في حتة غير مصر طبعا ... راجع عنوان الموضوع
بجد ذنبه ايه الواد ده يفضل 4 شهور متعقد انو في دفعة في غير دفعته ... وفجأة يدعك الفانوس ويبقى في سنة تانية ويبدأ من جديد سنة جديدة بمواد جديدة .. ده الميد ترم الاسبوع الجاي يا جماعة وصاحبي اول يوم ليه في السنة الجديدة انهاردة ... حقا ما اصبر المواطن المصرى .. واللى يوقع الشعر بقى ان صاحبي ده عرف الحكاية دي لما لقى نفسه اسمه منزلش في كشوفات سنة اولى ... وفوجئنا ان اسمه في كشوفات سنة تانية
فلما طلع لدكتور (....) وكيل الكلية لشؤون الطلبة الدكتور اكدله انه فعلا ناجح وان اسمه مش في الساقطين ... كل واحد يفضل في كرسيه زي ما هو ... الجاى العن
حاجة مشابهة حصلت السنة الى فاتت برضو مع طالب في هندسة معانا في الكلية ونفس دفعتى بس معرفوش ولكن حكالى شخصيا اللى حصله
الحكاية باختصار ان الشخص ده سقط في اعدادي مرتين ... طبقا للقانون كدة يبقى انطرد من الكلية .. وفعلا الواد استحمل مصيره وقعد سنة مابين يدور على كلية ومابين يدور على اي شغلانة بدل القاعدة... ولما السنة اللى فاتت في الترم الاول واحد صاحبي عارفه شاف اسمه انو نزل في كشوفات النتايج وانو غايب في الامتحانات .. مع ان اسمه منزلش في كشوفات السكاشن ده نزل في كشوفات نتيجة الامتحانت ... اليس هذا غريبا ، ماي بال ؟
طبعا مع ان الواد من حقه يحضر السنة الجديدة في اولى ... الا انه قرر وعن طيب خاطر انو يخش قسم هندسة صناعية اللى لسة فاتحينه في الكلية .. تطبيقا لتوجيهات سيادته في المضى قدما لتطبيق التعليم الموازي ... ومتسألنيش سوؤالك السخيف عزيزى القارئ وتقلى من تقصد بسيادته ؟ .... لانه تأكد انو لو دخل قسم بفلوسه محدش هيقدر يعمل فيه حاجة لان الحكومة مبقاش من اهدافها مجانية التعليم .. وده هتكلم عنه في موضوع تانى.... ولكن بقت تطبق مبدأ الوزارة الشاطرة تغزل برجل حمار .. وتحاول تجيب مصروفها من بق العو .. او من بزر العنب ... ايهما اسهل
لحد دلوقتى ضغطي عالى .. انما اللى خلانى افقد اي امل انى اخلف مستقبليا ... هوا ان عربيتتنا اتسرقت
ايوة اتسرقت ... يا سيدي قضاء الله وقدره ... لله ما اعطى ولله ما اخذ ... وقدرالله وما شاء فعل
لم اعترض والله وليس لي الحق ان اعترض
ولكن ... عشان اثبتلكوا اننا لسة في مصر ... اخويا راح يقدم بلاغ في القسم ... الظابط الفرفور قاله روح مديرية الامن الاول ... رغم اننا عملنا بلاغ سرقة عربية قبل كدة وعارفين ايه اللى هيتم فاخويا استغرب .. فقاله حضرتك مش المفروض تفتح محضر الاول ونعمل بلاغ للمديرية.. الظابط في برود عجيب قال لاخويا معاك حق يا دكتور اتفضل اقعد واول ما مسك القلم رماه تانى وقال حضرتك اتسرقت منين .. اخويا قاله من المكان الفلانى ( تم حجب الاسم حتى لا تنعت تلك المنطقة بانها منطقة اهلها حرامية :( واساسا مش هتفرق اتسرقت منين ) المهم الراجل مسك القلم وفجأة رماه تانى قالوا بس حضرتك يا دكتور يمكن سبتها مفتوحة .. اخويا اكدله انو سايبها مقفولة لان العربية بتعمل صوت لو المسوجرات مش مقفولة مسك وساب القلم وقالو طيب في نسخ للمفتاح .. قالوا اه قالوا لازم تيجي كلها قدامى دلوقتى .. قالوا اجيبلك اخواتى منين دلوقتى هما في بنها وانا هنا في ( ... ) المهم قعدنا من الساعة 10 لحد 1 باليل في الحوار ده الراجل عمال يمسك القلم ويفتكر حاجة يقوم سايبه (القلم طبعا) ... المهم حصل حاجات تفور الدم وتخلى الحوامل يولدوا بدرى .. بس مش عايز اوجع دماغكوا
رحنا مديرية الامن قلنا حصل كذا كذا .. الظابط ودانا لظابط تانى .. والظابط التاني سألنا اغبى سؤال ممكن اي حد يتسأله
قال الظابط منجعصا في كل شموخ ... هيا العربية يا دكتور انسرقت ازاي ؟؟
طب اقوله ايه ده .. اقتله واتحاكم محاكمة عسكرية .. ولا اقتله واخش موسوعة جينيس في الشخص اللى قتل اغبى واحد في العالم .. المهم قالنا هوديكوا للباشا فلان .. طبعا الساعة دلوقتى 2 ونص وتخيلوا ان عربية هيا اللى مسروقة مش فرخة ام سعيد هيا للى مسروقة ... ولكن صبر جميل والله المستعان على ما يصفون ... فروحنا لظابط تانيى .. فضل منفضلنا شوية كدة لانه كان منهمك اوي في الفرجة على كليب النجمة الصاعدة ليندا فهمي .. طبعا ليندا فهمي متجيش حاجة جنب المطرب الاصيل اللى غنى اغنية .. قوليلي يا خاينة ليه الشيطان وزك ... ياه طرب اصيل فعلا ... شاطرين بس يبتكروا طريقة اكثر حداثة لاستخدام المقشات على سائقى الميكروباص
نرجع لمرجوعنا الظابط فضل يقول نفس الكلام الغبي برضو وسبحان الله كلهم سألوا نفس السؤال " العربية اتسرقت ازاي " المهم مسك الورقة بتاعت البلاغ ومسك القلم عشان يمضى .. ورمى القلم تانى .... يادي النييلة لو كان بيكتب بيكبورد كان عمل ايه بقى .. كلهم مستقصدين الاقلام ليه .. ما علينا دع الخلق للخالق يا واد يا عبدو .. الظابط قال اسف البلاغ مش مختوم .. نسيت اقلكو اننا قبل ما نخرج من القسم كتبولينا على البلاغ يعتمد بلا ختم الدولة ... قال ايه الختامة مفهاش حبر ... طبعا صدقنا وخدنا كلام الظابط اللى في القسم ثقة
المهم رجعنا القسم عشان نختم .. امين شرطة معفن ريحته وحشة اوي قالنا الظابط طلع مأمورية .. قلناله فين الظابط المناوب .. قالنا مفيش حد هنا قلناله ازاي افرض جالك جريمة قتل دلوقتى مين اللى هيحقق .. طبعا الراجل اساسا مردش .. كأننا حشرات وقفة قدامه .. متهيالى ان ودانه كانت مسدودة نسبة الى الوساخة الشدية اللذى كان يتصف بها هذا الامين
المهم احنا دلوقتى في اليوم التالت للسرقة واخويا راح عشان يختم الورقة ... خايف والله يقولولوا الختم ازرق واحنا عايزينه احمر ... او يقولوا احنا عايزين ختم نسرة مش ختم نسر .. او يقولوا عايزين نسر على شجرة .... ربنا يسترها معاك يا اخويا ويقبلوا بلاغك كمواطن مصري اتسرقت عربيته .. ليس له الحق في مياه نظيفة او مواصلات او سكن او عمل او حتى التنفس هواءا نقيا ..فكيف يكون لك الحق في ان تقدم بلاغا عن سرق سيارة موديل 87 وليست مملوكة لموظف بدرجة وزير ... ولسست بطبيعة الحال ابن اخت ظابط من ضباط الشرطة
انا بسأل بس .. مش قصدي اقلل من كفاءة اجهزة امننا المشهود لها الكفاءة في المحافل الدولية ... على بال ما يعملوا نشرة ويوزعوها على الاقسام هتكون العربية يا اما اتفكت .. ياما بيهربوا بيها ممنوعات على حدود ليبيا
سلام الله عليكم ورحمته وبركاته ... ويجعله تامر
حسني بقى ولا مش حسنى مبقتش تفرق كتير ... قصدي على تامر طبعا
الكلام بالاحمر كلام مطابق للواقع وليس من خيال الكاتب اللى هوا انا
الحكاية الاولى ان ليا واحد صاحبي في ميكانيكا انتاج طلعت النتيجة انو شال 3 مواد في سنة اولى وده معناه كدة انو عاد السنة .. ويشاء العزيز القدير ان نتيجته تظهر بعد 4 اشهر وتقول ان الراجل نجح
انا بأمانة مش فاهم ايه اللى حصل .. هل مثلا الكومبيوتر كان مهنج بقاله 3 شهور .. ولا يمكن الورق خلص واتكسفوا يطبعوا ناجح على ورق الحمام قالوا اما نسقطه اسهل ... حاجة تانية .. لو ده كان ابن دكتور مثلا هل كان هيستنى برضو 4 شهور كدة وهوا عارف انو المفروض ينجح وفي الاخر يقلولوا سقطت وبعدين يقولوا انت نجحت ... طب مثل لو كانوا بيصوروا الكاميرا الخفية كنا قلنا ماشي انما ان ده يحصل في كلية زي كلية الهندسة .... فده مينسكتش عنه لان ده استهتار حد من الموظفين من اصغرهم لأكبر راس في السلم الادارى ... ماهو بقى العملية زادت عن الحد ومبقاش فيها خوف
يعني قالولنا هنديكو فلوس مكافأة الثانوية العامة ومدوهلناش وضحكوا علينا وقالوا انتو محدش قالكوا تخشوا هندسة شبرا ... قلت يا واد مش مهم اهو نتصدق على العميد .. يمكن مزنوق في كوتشي أديداس ولاحاجة وعايزيشتريه ... اهه يبر نفسه برضه الراجل طول عمره بيلبس باتا .. منطلعش احنا قلالات الاصل ونقلوا عايزين مكافأة ... كمان بأمانة كدة ناخد مكافأة على ايه .. على غباءنا اننا دخلنا هندسة ... ده حتى يا اخى يبقى نكران للجميل مش الحكومة علمتنا ببلاش .. في ظل توجيهات السيد الزعيم والسيدة حرمه والسيد ابنه .. وبالمرة ابن خالته وتيتي واونكل ... ما هو طول ما احنا تحت حكم اسرة مو - با - راك حاكم وادي النيل وموحد القطرين يبقى الواد صاحبي ده المفروض ينزلوا اعتذار رسمي .. ده لو كنا في حتة غير مصر طبعا ... راجع عنوان الموضوع
بجد ذنبه ايه الواد ده يفضل 4 شهور متعقد انو في دفعة في غير دفعته ... وفجأة يدعك الفانوس ويبقى في سنة تانية ويبدأ من جديد سنة جديدة بمواد جديدة .. ده الميد ترم الاسبوع الجاي يا جماعة وصاحبي اول يوم ليه في السنة الجديدة انهاردة ... حقا ما اصبر المواطن المصرى .. واللى يوقع الشعر بقى ان صاحبي ده عرف الحكاية دي لما لقى نفسه اسمه منزلش في كشوفات سنة اولى ... وفوجئنا ان اسمه في كشوفات سنة تانية
فلما طلع لدكتور (....) وكيل الكلية لشؤون الطلبة الدكتور اكدله انه فعلا ناجح وان اسمه مش في الساقطين ... كل واحد يفضل في كرسيه زي ما هو ... الجاى العن
حاجة مشابهة حصلت السنة الى فاتت برضو مع طالب في هندسة معانا في الكلية ونفس دفعتى بس معرفوش ولكن حكالى شخصيا اللى حصله
الحكاية باختصار ان الشخص ده سقط في اعدادي مرتين ... طبقا للقانون كدة يبقى انطرد من الكلية .. وفعلا الواد استحمل مصيره وقعد سنة مابين يدور على كلية ومابين يدور على اي شغلانة بدل القاعدة... ولما السنة اللى فاتت في الترم الاول واحد صاحبي عارفه شاف اسمه انو نزل في كشوفات النتايج وانو غايب في الامتحانات .. مع ان اسمه منزلش في كشوفات السكاشن ده نزل في كشوفات نتيجة الامتحانت ... اليس هذا غريبا ، ماي بال ؟
طبعا مع ان الواد من حقه يحضر السنة الجديدة في اولى ... الا انه قرر وعن طيب خاطر انو يخش قسم هندسة صناعية اللى لسة فاتحينه في الكلية .. تطبيقا لتوجيهات سيادته في المضى قدما لتطبيق التعليم الموازي ... ومتسألنيش سوؤالك السخيف عزيزى القارئ وتقلى من تقصد بسيادته ؟ .... لانه تأكد انو لو دخل قسم بفلوسه محدش هيقدر يعمل فيه حاجة لان الحكومة مبقاش من اهدافها مجانية التعليم .. وده هتكلم عنه في موضوع تانى.... ولكن بقت تطبق مبدأ الوزارة الشاطرة تغزل برجل حمار .. وتحاول تجيب مصروفها من بق العو .. او من بزر العنب ... ايهما اسهل
لحد دلوقتى ضغطي عالى .. انما اللى خلانى افقد اي امل انى اخلف مستقبليا ... هوا ان عربيتتنا اتسرقت
ايوة اتسرقت ... يا سيدي قضاء الله وقدره ... لله ما اعطى ولله ما اخذ ... وقدرالله وما شاء فعل
لم اعترض والله وليس لي الحق ان اعترض
ولكن ... عشان اثبتلكوا اننا لسة في مصر ... اخويا راح يقدم بلاغ في القسم ... الظابط الفرفور قاله روح مديرية الامن الاول ... رغم اننا عملنا بلاغ سرقة عربية قبل كدة وعارفين ايه اللى هيتم فاخويا استغرب .. فقاله حضرتك مش المفروض تفتح محضر الاول ونعمل بلاغ للمديرية.. الظابط في برود عجيب قال لاخويا معاك حق يا دكتور اتفضل اقعد واول ما مسك القلم رماه تانى وقال حضرتك اتسرقت منين .. اخويا قاله من المكان الفلانى ( تم حجب الاسم حتى لا تنعت تلك المنطقة بانها منطقة اهلها حرامية :( واساسا مش هتفرق اتسرقت منين ) المهم الراجل مسك القلم وفجأة رماه تانى قالوا بس حضرتك يا دكتور يمكن سبتها مفتوحة .. اخويا اكدله انو سايبها مقفولة لان العربية بتعمل صوت لو المسوجرات مش مقفولة مسك وساب القلم وقالو طيب في نسخ للمفتاح .. قالوا اه قالوا لازم تيجي كلها قدامى دلوقتى .. قالوا اجيبلك اخواتى منين دلوقتى هما في بنها وانا هنا في ( ... ) المهم قعدنا من الساعة 10 لحد 1 باليل في الحوار ده الراجل عمال يمسك القلم ويفتكر حاجة يقوم سايبه (القلم طبعا) ... المهم حصل حاجات تفور الدم وتخلى الحوامل يولدوا بدرى .. بس مش عايز اوجع دماغكوا
رحنا مديرية الامن قلنا حصل كذا كذا .. الظابط ودانا لظابط تانى .. والظابط التاني سألنا اغبى سؤال ممكن اي حد يتسأله
قال الظابط منجعصا في كل شموخ ... هيا العربية يا دكتور انسرقت ازاي ؟؟
طب اقوله ايه ده .. اقتله واتحاكم محاكمة عسكرية .. ولا اقتله واخش موسوعة جينيس في الشخص اللى قتل اغبى واحد في العالم .. المهم قالنا هوديكوا للباشا فلان .. طبعا الساعة دلوقتى 2 ونص وتخيلوا ان عربية هيا اللى مسروقة مش فرخة ام سعيد هيا للى مسروقة ... ولكن صبر جميل والله المستعان على ما يصفون ... فروحنا لظابط تانيى .. فضل منفضلنا شوية كدة لانه كان منهمك اوي في الفرجة على كليب النجمة الصاعدة ليندا فهمي .. طبعا ليندا فهمي متجيش حاجة جنب المطرب الاصيل اللى غنى اغنية .. قوليلي يا خاينة ليه الشيطان وزك ... ياه طرب اصيل فعلا ... شاطرين بس يبتكروا طريقة اكثر حداثة لاستخدام المقشات على سائقى الميكروباص
نرجع لمرجوعنا الظابط فضل يقول نفس الكلام الغبي برضو وسبحان الله كلهم سألوا نفس السؤال " العربية اتسرقت ازاي " المهم مسك الورقة بتاعت البلاغ ومسك القلم عشان يمضى .. ورمى القلم تانى .... يادي النييلة لو كان بيكتب بيكبورد كان عمل ايه بقى .. كلهم مستقصدين الاقلام ليه .. ما علينا دع الخلق للخالق يا واد يا عبدو .. الظابط قال اسف البلاغ مش مختوم .. نسيت اقلكو اننا قبل ما نخرج من القسم كتبولينا على البلاغ يعتمد بلا ختم الدولة ... قال ايه الختامة مفهاش حبر ... طبعا صدقنا وخدنا كلام الظابط اللى في القسم ثقة
المهم رجعنا القسم عشان نختم .. امين شرطة معفن ريحته وحشة اوي قالنا الظابط طلع مأمورية .. قلناله فين الظابط المناوب .. قالنا مفيش حد هنا قلناله ازاي افرض جالك جريمة قتل دلوقتى مين اللى هيحقق .. طبعا الراجل اساسا مردش .. كأننا حشرات وقفة قدامه .. متهيالى ان ودانه كانت مسدودة نسبة الى الوساخة الشدية اللذى كان يتصف بها هذا الامين
المهم احنا دلوقتى في اليوم التالت للسرقة واخويا راح عشان يختم الورقة ... خايف والله يقولولوا الختم ازرق واحنا عايزينه احمر ... او يقولوا احنا عايزين ختم نسرة مش ختم نسر .. او يقولوا عايزين نسر على شجرة .... ربنا يسترها معاك يا اخويا ويقبلوا بلاغك كمواطن مصري اتسرقت عربيته .. ليس له الحق في مياه نظيفة او مواصلات او سكن او عمل او حتى التنفس هواءا نقيا ..فكيف يكون لك الحق في ان تقدم بلاغا عن سرق سيارة موديل 87 وليست مملوكة لموظف بدرجة وزير ... ولسست بطبيعة الحال ابن اخت ظابط من ضباط الشرطة
انا بسأل بس .. مش قصدي اقلل من كفاءة اجهزة امننا المشهود لها الكفاءة في المحافل الدولية ... على بال ما يعملوا نشرة ويوزعوها على الاقسام هتكون العربية يا اما اتفكت .. ياما بيهربوا بيها ممنوعات على حدود ليبيا
سلام الله عليكم ورحمته وبركاته ... ويجعله تامر
حسني بقى ولا مش حسنى مبقتش تفرق كتير ... قصدي على تامر طبعا
الكلام بالاحمر كلام مطابق للواقع وليس من خيال الكاتب اللى هوا انا
1 اللى علقوا:
معلش عبدالله ان شاء الله تلاقوها ولاتزعل نفسك خالص الحمد لله انك بخير والاسرة بخير
إرسال تعليق