بسم الله الرحمن الرحيم
ده شئ من بعض الأشياء اللى عايز اقولها للإخوان
اعتذرولنا يا اخوان ...... قبل ما تمشوا م الميدان
مصر بتسمع للتحرير .... مش لكراسى البرلمان
بلطجية وترامدول ..... شمّتوا فينا الفلول
يا شباب الإخوان يا ثاير .... بعتونا في حفلة يناير
قلتو الثورة بح وخلصت .... وقفلتو عليها الستاير
ولما الحرة قدامكو اتعرت .... قلتو كلام وحش معناه
هوا الشرع بتاعنا خالى .... من كلمة وامعتصماه ؟!!
الاعتذار شئ مش شديد .... شوف بسببكو في كام شهيد
سيبوا العسكر يلبس هوّا ... وإحنا نحط الإيد في الإيد
السمع عندى والطاعة .... لربى مش لرئيس جماعة
ناقص تاخدو الإذن منه .... قبل ما يناموا الجماعة
استخدم عقلك وفكر ...... انت مش مقطف بودان
مش كل حاجة ترددها ... انت أكيد مش بغبغان
واللى مش عايز يتغير ... هوا اللى اختار وقرر
قول ورايا من غير ما تفكر .... يسقط يسقط حكم العسكر