Showing posts with label أم كلثوم. Show all posts
Showing posts with label أم كلثوم. Show all posts

Saturday, January 5, 2013

حدود الصبر

بسم الله الرحمن الرحيم 

كان الغناء حينها عمل متقن بل ..  ويدفع إلى الإتقان .. من كلمات الشاعر  عبد الوهاب محمد .. لأنه كان يشعر بحق .. واخترع الة تصوير نقلت إحساسه على الورق ..  ولحن الموسيقار محمد الموجي ما أبدعه زميله عبدالوهاب .. فكان أحسن من صان ذلك الإكتشاف ولم يضيع هذه الكلمات سدى .. أعطى كل موقف حقه بل وزاد .. لك أن تتخيلهما وقد بذلا ما في وسعهما .. ثم ذهبوا يقدمون ما يظنون أنهم قد أفنوا فيه  أعمارهم أمام سيدة  اختارت أن تجعل اللاحقين يتندروا في منتدياتهم وأسمارهم على ما قدمت .. أظنه كان دافعها .. وقد كان دافعا ذا جدوى على أية حال .. ربما غيرت  "الست " في الكلمات .. واعترضت محمد بك الموجي أكثر من مرة متدخلة في صميم عمله الذى لا يباريه فيه الا أقل القليل مما لا تحتاج معه سوى أصابع يد واحدة لإحصائهم .. ولكن كان بين ثلاثتهم ثقة أساسها تقديم عمل تاريخي  سيتحاكى عنه أحد معاصري زمن يصفق فيه الحضور لما برز من النهود .. ولم يعرفوا  قط أن الصبر .. حتى الصبر له حدود .

أكاد أجزم أن أم كلثوم كانت ترضع مقاطع هذه الأغنية حتى الفطام .. لا تنتقل أبدا الى مقطع حتى يستوفي حقا لحنا ومقاما وشعورا وأداءا .. فريقها الجالس في الخلف وهي أمامهم  بينهما برزخ لا يبغيان على بعضهما .. جهد شاق في التدريب يظهر عليهم .. وهذا الهيكل العظمى المتشبث بعوده  هو تميمة هذا الفريق .. صوت عوده لا يكاد يظهر في اللحن ..  ويخيل لغير الخبير أنها محض حركات تؤدى "لتحليل اللقمة " ولكن هذا الخبير يعرف قدر القصبجي الذي ظل كرسيه شاغرا بعد موته .. فلم يكن لأحد هذه الجرأة ان يشغل مكان رجل تحدى الجميع حيا وميتا 



ماتصبرنيش بوعود
وكلام معسول وعهود
انا ياما صبرت زمان
على نار وعذاب وهوان
وهي غلطة ومش ح تعود
ولو ان الشوق موجود
وحنيني اليك موجود
انما للصبر حدود ... يا حبيبي

---

صبرني الحب كتير
وداريت في القلب كتير
ورضيت عن ظلمك لكن
كل ده كان تأثير
والقرب أساه وراني
البعد ارحم بكتير
ولقيتني وانا باهواك
خلصت الصبر معاك
وبأملي اعيش ولو انه
ضيع لي سنين في هواك
واهي غلطه ومش ح تعود

---

اكتر من مره عاتبتك
واديت لك وقت تفكر
كان قلبي كبير بيسامحك
انما كان غدرك اكبر
اكبر من طيبة قلبي
اكبر من طولة بالي
اكبر من قوة حبي
مع كل الماضي الغالي
ولقيتني وانا بهواك
خلصت الصبر معاك
وبأملي باعيش ولو انه
ضيع لي سنين في هواك
واهي غلطة ومش ح تعود

---

ماتصبرنيش ما خلاص
انا فاض بيه ومليت
بين لي انت الاخلاص
وانا اضحي مهما قاسيت
دامفيش في الدنيا غرام
بيعيش كده ع الاوهام
والحب الصادق عمره
عمره مايحتاج لكلام
ولقيتني وانا بهواك
خلصت الصبر معاك
وباملي باعيش ولو انه
ضيع لي سنين في هواك
واهي غلطه ومش ح تعود
ولو ان الشوق موجود
وحنيني اليك موجود
انما للصبر حدود ياحبيبي

Monday, October 15, 2012

سهران وحدى

بسم الله الرحمن الرحيم 

مقطع ممتاز اوي اوي  من اغنية سهران وحدى لأم كلثوم بعنوان جزئي "ياللى رضاك أوهام " .. لو مكنتش بتحب أم كلثوم أو حاسس  انها  بترغى  في الاغنية وتعيد وتزيد من غير داعى .. راجع  فكرتك تانى عنها  بعد سماع المقطع ده ... انا بتكلم على الحرفية في التنقل بين المقامات .. ومخارج الحروف الواضحة  التى لا تقبل اللبس .. بتكلم على المهنية والحرفية في الأداء ..  اللى عايز يوصلهم الشاعر(أحمد رامي) اللى ألف الكلمات  والملحن (رياض السنباطى) اللى لحنها  والمؤدي المحترف  (أم كلثوم) اللى غناها .. هوا ده اللى بيسمى الطرب .. وهي دي المتعة .. مش الاسفاف اللى موجود الفترة دي .. حبيبي  نصيبي لهيبي مكاتيبي الخ  بقى من السجع  الفاضى 
كلمات المقطع ده :

ياللى رضاك أوهام ... والسهد فيك أحلام 
ياللى رضاك أوهام ... والسهد فيك أحلام 
 ياللى رضاك أوهام ... والسهد فيك أحلام

حتى الجفا محروم منه .. حتى الجفا محروم منه .. حتى الجفا محروم منه 
ياريتها ياريتها ياريتها داااااامت أيااااااامه
 مقطع موسيقي للإنتقال للمقطع الشعري اللى بعده .. ودي بيبقى اسمها جملة لحنية وعشان الست ترتاح وتفكر في مقام تاني تقول بيه  نفس الكلام .. بعد  الاعادات الضرورية في ذلك الوقت .. عشان  مش كل واحد كان عنده جراموفون في بيته وعشان اللى فاتته كلمة يسمعها تاني ... 
 كل المقام هيتغير وطبقة الصوت تتغير تبعا ليه عشان تتقال الجملة دي :

 كان عهد جميل .. حاسد وعزول 
 كان عهد جميل .. حاسد وعزول
 كان عهد جميل .. حاسد وعزول 
 والبال مشغول .. البال مشغوووول