Wednesday, September 6, 2017

لا أنا ولا المدونة

الواحد وحشته الكتابة، مش مصدق إنه عدى 10 سنين كاملين من ساعة ما عملت المدونة دي، الكتابة زمان كانت سلسة، وبتخرج بدون مجهود، كانت ممتعة بالنسبة لي، وكانت بتوثق أحداث ، وبتطلع مكبوتات، دلوقتي بقى صعب جدا الواحد يعمل زي زمان، كل ما آجي أكتب حاجة أفتكر ان في كذا حد هيقرى اللى هكتبه، أتراجع، أو باكتب وأخليها في الدرافت، شعور سيء إنك تبقى بتكتب وتبقى عارف إن في حد هيقرا اللى بتكتبه ده.. فتمتنع، حتى لو كان فضفضة وهراء وكلام يبدو عادي، بس شعور سيء إنك متبقاش على حريتك زي ما اتعودت أو زي ما تسمح بيه شخصيتك 

 معرفش هسيب المدونة دي مفتوحة لحد امتى، ومعرفش هعرف أرجع اكتب تاني ولا لأ، معرفش هعمل مدونة تانية مجهولة ميعرفهاش حد واكتب فيها وتتعرف تاني ولا معملش حاجة خالص واسكت وخلاص؟  حتى لو حاولت أرجع أكتب زي الأول تقريباً مش هعرف، باين كدة ان مفيش حاجة بتظل على حالها، لا أنا ولا المدونة 

No comments: