Friday, August 31, 2012

أنا طرت معاك

بسم الله الرحمن الرحيم
حتى لا ننسى

Tuesday, August 28, 2012

الأمــــــــــــل

بسم الله الرحمن الرحيم 

28-8-2012
عدت للبداية  .. ويكأنني حديث التخرج من كلية الهندسة .. بلا زوجة وبلا عمل ... ولكن الجديد أنى الان صرت بلا وطن .. لا أدرى هذه النكسة شدة ظلام يأتى بعدها فجر جديد .. أم بداية  شقاء أبدى لا ينتهى ... هنا تأتى قناعتك بحسن الظن بالله .. وظنى في ربى حســن :) ..
-----------------------------------------------------------------------
* الأغنية لصاحبة المقام والصوت الرفيع فيروز .. كأنها ألفت من أجلى
 


- رغم الزّهر اللّي متلّي الحقول .. شو ما تحكي و تشرحلي و تقول .. حبيبي .. حبيبي .. تَ نرجع لأ مش معقول . 

- عندي سنونو و في عندي قرميد .. بعرف شو يعني إذا إنتَ بعيد .. بس حبيبي .. إحساسي ما عاد يرجعلي من جديد .

- في أمل ... إيه في أمل .. أوقات بيطلع من ملل ..  في أمل ... إيه في أمل .. أوقات بيطلع من ملل ..  و أوقات بيرجع من شي حنين .. لحظة تَ يخفّف زعل .. و بيذكّرني فيك لون شبابيك .. بس ما بينسّيني شو حصل ..  

- رغم الزّهر اللّي متلّي الحقول .. حبيبي .. حبيبي .. تَ نرجع لأ مش معقول .
في قدّامي مكاتيب من سنين.. زهقة ورد و منتور و ياسمين .. حبيبي ... حبيبي ... ما عاد يلمسني الحنين  ..

- في ماضي منيح بس مضى .. صفّى بالرّيح بالفضاء .. و بيضلّ تذكار عَ المشهد صار .. في خبز في ملح و في رضا .. يوميّة ليل و بعدو نهار .. عمري قدّامي عم ينقضى ..
 
- شوف القمح اللّي بيطلع بالسّهول .. شوف المي اللّي بتنزل عَ طول .. حبيبي ..إحساسي هالقدّ معقول يزول .
 
- شو بتخبّر أصحاب و زوّار .. عنّي إنّي محدودة و بغار .. بس حبيبي ... كرمالي تنيناتنا بنعرف شو صار 


Sunday, August 26, 2012

ذكريات الحب الأول -2

بسم الله الرحمن الرحيم 
من ذكريات الحب الأول :
 " قبيل الحضرة قال لي شيخي‏:‏
 ـ في عينيك ما لم أعهد انشغالك به‏.‏
فطفرت من عيني دمعة‏,‏ وقلت له‏

:‏ـ هوي لا يغلب هوي‏,‏ لكل درجته‏,‏ والله المستعان‏.‏
فابتسم وربت علي كتفي‏,‏ وقال‏:‏ـ الطريق واحد فامضي ولا تخف‏.‏

وكنت أحسب أنه سيزجرني‏,‏ فرانت داخلي سكينة‏,‏ وملأ قلبي امتنان وغبطة‏,‏ ولمع في عيني سؤال‏.‏ لكنه لم يدعني غارقا في حيرتي كثيرا‏.‏ ناداني بعد أن فرغنا من رحلة الغياب الموزعة علي دروب التخلي والتحلي والتجلي‏,‏ وقال لي وهو يشد علي يدي‏:‏ ـ ما بينك وبينها سر احتفظ به الله لنفسه‏,‏ وإلا ما أعيت البشر منذ بدء الخليقة كل الحيل في تفسيره ولم يصلوا حتي الآن إلي شيء‏.‏ 
وغمرتني الدهشة والوجد فصرخت بكل كياني وأنا أنظر إلي زرقة السماء الصافية‏:‏ـ قلبي بين أصابعك‏,‏ وبيدك الأمر‏.‏
عندها وضع شيخي يدا علي قلبي‏,‏ وطوح الأخري في الفراغ‏,‏ وقال‏:‏
ـ إنه في صميم الروح التي لا نعرف كنهها‏.‏
ثم انصرف من أمامي وهو يتلو‏:‏ ويسألونك عن الروح قل الروح من أمر ربي‏,‏ وما أوتيتم من العلم إلا قليلا‏.‏

Thursday, August 23, 2012

لكنه حاول

بسم الله الرحمن الرحيم

في وقت ما وفي زمان ما كانت تحدث المشاهد الاتية

انسان الكهف يمضى متسكعا في الغابة ... يلهو مع النمور ويرضع من لبن العصفور ... يتمرجح بين الجبال ويتزحلق على زلاليم الافيال ...
كان يظن انه وحده في المنطقة ... فهو على حسب ظنه كالفراش المنبثق من الشرنقة ...
شب الطفل وطال ... وتملك ما يبلغ منتهاه من الرجولة والجمال
حتى جتى جاء اليوم المنتظر وتكشف الغطاء المندثر ...
فسمع ذات يوم صوتا ناعما لم يألفه قبلا ... فقرص نفسه حتى يتأكد انه ليس به مسا ولا خبلا

تقدم بين الاحراش الكثيفة ... وعصر بين يديه وردة لتصبح رائحته نظيفة
تنحنح بقوة لينجلى صوته الاجش ... فمنذ الوهلة الاول يتخيل اليك انه وحش ...
تراجع خطوات وتقدم اخرى ... لم يدري ماذا يفعل فلم يقابل في حياته اي انثى


كنت عايز ابقى ....

بسم الله الرحمن الرحيم

امممم اول حاجة افتكر انى كنت عايز ابقاها لما كان حد بيسألنى عايز تطلع ايه لما تكبر كنت برد نفس رد الاطفال الطبيعيين عايز ابقى ظابط وكان نفس رد السائل ايضا طبيعي كأى شخص يسأل هذا السؤال ( وظابط ساعتك على كام ) ؟ طبعا ضحكت مرة واتنين وتلاتة لكن كفاية بقى هوا الناس كلها عارفة النكتة ولا ايه طب حد يغير طيب

بعدها كنت عايز ابقى لعيب كورة مش عارف ليه ؟.. مع انى مكنتش ومازلت مش حريف كورة اوي بس بعرف العب على قدى يعني ومهتم دلوقتى بالكورة ومش عارف انا اهلاوى ليه مع انى فترة حبي للكورة كان الاهلي بيخسر فيها ولكن مش عارف ليه كنت بحب الاهلى المهم كنت عايز العب كورة وكنت بقعد اتخيل سيناريوهات انى نجم مشهور وانى غنى اوي .. بس مكنتش متابع اخبار الكورة اول بأول يعني ولا حاجة


بعدها رحنا السعودية فمش فاكر انى كنت عايز ابقى حاجة لما اكبر مش عارف انا بكره فترة السعودية دي ليه كدة ؟.. ولكن ده اكيد احسن حاجة كانت ممكن تحصلى ... هناك  كان محلات كل شئ بريالين دي منتشرة اوي .. كان غاية استمتاعى انى اشترى عربية بريالين بريموت كنترول اللى بسلك دي العب بيها شوية وبعدين افكها .. العربية كان مبدأ عملها واحد متور كهربا صغير ورا وقدام فيه لمبتين صغيرين كدة عشان يعملوا كشاف كنت افك الماتور واللمبتين
اوصل اللمبة بطرف في البطارية وبالطرف التانى الماتور وادخل الريموت في النص واتكى على الريموت اللمبة تنور والماتور يدور وافتكر بقى انى اهم مخترع في الكون واقعد اغير في التوصيلات ومرا احرك الماتور يمين ومرة يتحرك شمال وكان تخيلي ان الزرار اليمين بيوزع الكهراب ناحية اليمين فالماتور يتحرك يمين وينطبق الكلام على الزرار الشمال لكن لما اتعلمت عرفت انى كنت جاهل وزعلت اوي انى لا مخترع ولا حاجة وانى كنت جاهل اوي وان مينفعش يبقى واحد مخترع وحمار كدة كنت فاكر المخترعين دول بيعملوا الحاجة من اول مرة وان المخترع ده اذكى واحد في البشر ... المهم قعدت حوالى سنتين فاكر انى لما اكبر هبقى مخترع زمانى وكانت اختراعاتى مروحة صغيره ... محاولة اختراع غسالة شرابات صغيرة ... محاولة اختراع اباجورة تشتغل باللمس ( مكنتش باللمس ولا حاجة كنت بقرب السلكين من بعض اوي ومبوصلهمش واحطها في حتة مستخبية في الاباجورة ولما المس جسم الاباجورة السلكين يتوصلوا والاباجورة تنور ) وكنت فرحان اوي واخواتى كانوا مبهورين بيا لكن بابا كان عارف كل الهبل اللى كنت بعمله ده .. لكن كان سايبني على اساس بكرة اكبر وافهم .. وفهمت

بعد ما تخليت عن حلم الاختراع جبنا كومبيوتر ... واوبااااا محدش كان بيحب يقعد عليه غيري رغم انى كان ممكن اقعد 6 ساعات متواصل العب سوليتير واكتب حاجات في الوورد واغير في الفونت  واللون .. يااااه كنت فرحان اوي انا مش متخيل نفسي دلوقتى ازاي كنت بقعد كدة من غير ما ازهق .... وكنت بسمع عن الهاكر واللى بيعملوه استهوتنى الفكرة اوي وكنت اسعى انى ابقى هاكر ... وطبعا عشان ابقى هاكر لازم انترنت ... ماما انا عايز انترنت .. ليه يا عبدالله ما انت عندك الكومبيوتر ( محدش يضحك ) يا ماما مليش دعوة انا عايز اخش عالم جديد ومبحبش ابقى مش عارف كدة طيب يا عبدالله ..  جبت كارت انترنت وقريت الطريقة ووصلت الانترنت .. وبعدين بقى ؟
يعني وصلت انترنت وبعدين هعمل ايه بعد ما وصلته ... سألت عيال في المدرسة قالولى اعمل ايميل بس غير مكان سكنك عشان لو عملت حاجة محدش يعرف مكانك :D عملت ايميل وكل شوية كان يقلى اسمك موجود يلاهوي معقول ممكن يبقى في حد اسمه زيي :D   طيب وبعدين من هنا لهنا عملت ايميل على الهوت ميل ولحد دلوقتى مش عايز افرط فيه لانه جه بعد جهد كبير اوي .. :)

المهم وبعدين انا عايز بقى اخبار ومعلومات عشان ده سبب انى ادخل انترنت اصلا واحد دلنى على موقع اسمه ayna قالى ده فيه كل حاجة عملت عليه ايميل برضو.. كنت بعمل ايميلات كتير اوي ياااه .... المهم بقيت اخش على اي حاجة عشان اعرفها بعدين واجهتنى مشكلة البرامج كنت عايز اعرف كل البرامج اللى في الدنيا وكنت لما احول امتداد اغنية كنت احس انى عبقرى زمانى ... في السعودية مكنش فيه فك هاردات ولا الكلام من ده وانا اصلا كان الكومبيوتر عندى مقدس .. مش متخيل انو ممكن يتفك رغم انى كان عادي عندي افك اي حاجة (مرة فكيت الراديو .. فكيته ورجعته زي ما كان وكنت فاكر برضو انى عبقرى ساعتها)  لكن الكومبيوتر ده كان حاجة بعيدة اوي عن خيالى انى العب فيها .... نكمل مع الانترنت ودخلت على الشات ياااه كنت فرحان اوي انك بتكلم حد وبيرد عليك كانت تكنولوجيا حلوة اوي ولكن اول يوم دخلت فيه على الشات واحد كلمنى ولا قال سلام ولا كلام هوا دخل حط اللنك ومشي ... قعدت اكلمه من هنا من هنا مكنش بيرد المهم فتحت اللنك ولأول مرة في حياتى  طلع لنك موقع اباحي ... مكنش موقع بمعنى الموقع كان صفحة كدة عادية وفيها  صور وخلاص .. طبعا مكنتش اعرف موضوع الاتور ريسبوند ده  خالص ..
مش عارف مفيش حاجة اتحركت فيا قلت ايه الهبل ده بقى ايه الموقع اللى مفهوش لنكات ده قمت قافل بس مقفلتش عشان محترم او عشان متدين قفلت عشان ملوش لازمة او دماغى مكنتش بتروح للحاجات دي ... ومرة في مرة بقيت بتفرج على الصور دي وفيما بعد من مراحل عمرى المتأخرة بقيت اضحك على نفسي اوي لان اللى كنت بتفرج عليه مكنش سكس بالمفهوم المعروف انا كنت فاكر ان الاباحية ان الست تبقى لابسة شورت مثلا ويااااه بقى لو لابسة بيكيني كان ده يبقى قمة الاباحية وكنت اخاف اقول لحد عليه بس مبدأ الثواب والعقاب والضمير ده مكنش بيلح عليا مش عارف ليه

المهم بجانب الكومبيوتر طوال الفترة اللى هناك كنت بجيب جرنان الاهرام واقراه واقرى فيه كل حاجة صفحة السياسة الحوادث الاقتصاد كل حاجة كنت عايز اي حاجة تربطنى بمصر والسلام وكنت اقعد احل الكلمات المتقاطعة كتير ... كانت بحب اوي لما يجيبوا نصر اكتوبر في الجرنان والقصص اللى عرفت فيما بعد مدى صحتها من مدى فتيها وفبركتها وكان نفسي اكون جندي اوي كلمت بابا في  الموضوع قالى خلاص ركز وخش الكلية الحربية قالى بس مش هتحارب كدة اول ما تتخرج لازم يكون فيه حرب الاول عشان تحارب ... فقررت انى اكون ظابط واول ما اتخرج هعمل حرب عشان احارب :) ... بس  لما دخلت الجيش قلت الحمد لله فيما قدرت  .. ده ربنا  نجانى ... وكدة  كدة مكنتش هخش حربية عشان نظرى 

بعدها بابا فهمنى الليلة دي كلها واقسام الجيش والمشاة والجوية وايه اللى حصل في اكتوبر وكدة ... ولما دخلت الجيش  عرفت اكتر 

انا  زمان كنت  بحلم  ..  كنت برئ .. كنت جميل .. محدش  لا جرح قلبى ولا كنت لسة عملت اي  ذنوب  ولكن دوام الحال من المحال 

دلوقتى عايز ابقى مهندس تصميم ميكانيكي ... اتخصصت في المجال ده .. ولكن علم الكلية  لا يكفى .. وانا مكنتش  بحصله بالطريقة الصحيحة .. ان شاء الله خلال 3 سنوات عايز ابقى مهندس ديزاين محترف  .. اتعلمه على أصوله مش  بسم رسم هندسي  او انى ارسم حاجة ثلاثية الأبعاد على الكومبيوتر ... مرة لما انطلب من واحدة زميلتي  تعمل مشروع  واحنا في سنة تالتة .. شورت عليها تعمل برج تبريد .. ولكن  مش هنسي  اليوم  اللى فضلت مطبق  فيه  لتاني  يوم وانا برسملها البرج ده  ومكنش فيه معلومات متوفرة كتير على النت .. بس الحمد لله عملته  واديتهولها الصبح  تطبعه  على ورق  كبير اوي A0 .. الدكتورة انبسطت اوي وانا كنت مبسوط بنتيجة مجهودي وتعبي .

خلال 6 سنين ان شاء الله  ناوى اخش في كارير ال R&D  البحث والتطوير .. حابب المجال وحاسس انو مناسب  ليا .. فربنا  ييسر الحال ان شاء الله 

 وخلال  20 سنة عايز ابقى   مهندس استشارى تصميم  بس ده لسة  قدامه وقت طويل اوي

Tuesday, August 21, 2012

كنت بتحب حبيبتك وسابتك ؟ معلش

بسم الله الرحمن الرحيم



نقلا عن أحد المنتديات :

     كام واحد ممكن يكون حس ان حياته انتهت بسبب ان فيه طرف كان فيها وكان جزء اساسي ومشي وبعد عنها ؟ انا مش بتكلم عن الموت بس بتكلم عن انك تكون  بتحب حد اوي اوي وفجأة تبقى قدام أمر واقع انك لازم تنفصل عنه وتكمل حياتك لوحدك ؟ انا مش عارف لو انت عارف ده فعلا بس غالبا ده حصلك انت شخصيا ، فيه ناس فينا كملت وعدت الموضوع وناس اتألمت بشكل مبالغ فيه ، بتحصل ، ممكن تكون حاولت تكلم حد بس واجهتك مشكلة ان ممكن الناس تتريق عليك ، او ممكن يكون في حد في دماغك مش قادر تنساه مع انه بعد ومشي وسببلك جرح ومع ذلك انت عارف انك ممكن ترجعله تاني لو بس حاول معاك انت ممكن وممكن متكونش ادركت اهم حاجة في الموضوع ، ان الحب الي بينتهي بانفصال مكنش حب من البداية لانه لو كان الحب ده حقيقي كان زمانه اكتمل مهما كانت الظروف ، او التحديات او المواقف والمشاكل الي مريتوا بيها ، محدش فيكم ضحية ومحدش فيكم السبب .
     وليام بليك قال ان الضحية هو الشخص الي بيبقى عارف انه هيتعب وهيفشل ومع ذلك موافق انه يدخل في تجربة  هو عارف اخرتها ايه .. انت تعبت كتير وفكرت كتير وساعات مكنتش بتعرف تنام ولما كنت بتشوفه تاني من بعيد كان قلبك بيدق ونفسك تجري عليه وفي نفس الوقت بتبقى عارف ان فيه حاجة مانعاك انك تروحله وده معناه انك قررت من جواك انك تبعد علشان انت عارف ان القرب بينكم مستحيل بس ديه حاجة انا وانت عارفينها بس فيه جزء جواك مش راضي يدرك ده لحد دلوقتي لانه مش فاهم قوانين البشر ومش عارف يتآلف معاها ويصدقها .. الواحد يقدر ، انت عارف انه يبعد بسهولة ، ويستمر بحياته ويحب تاني وتالت ورابع وعشرين ، وانت مش مضطر انك تحب تاني وتدور على حب تاني ينسيك حبك الاولاني ، لانك مش لازم تحب حد تاني علشان تنسى الاولاني ساعات بيبقى لازم تنسى الاولاني قبل ماتعرف تحب تاني ، علشان كده بتواجه اغلب الناس الي مروا بالمشكلة ديه مشكلة اكبر ، بيبقى قدامه كذا فرصة للارتباط وبيحاول انه يدخل فيهم بس بيكتشف انه بيفشل كل مرة وبيرجع السبب  للطرف التاني الغير متفاهم اوالمجادل او او او ويبدا يقول اسباب ملهاش حصر بس لمجرد انه مش عايز يعترف انه هو شخصيا مش قادر ينسى .. لما وقعت في نفس المشكلة قابلت واحد وقالي “وداويني بالتي كانت هي الداء” قولتله ازاي ؟ قالي حب واحدة تانية وهتنسى الاولى ، قولتله بس افتكر ده غلط قالي خلاص اشتغل وانجح وانتقم لان  احسن طريقة للانتقام من حد هو انك تنجح وتكمل .. حسيت كان كلامه دخل جوايا انا مش عارف لو الكلام ده بيلمسك انت كمان ولا لا ، واحتمال انت شخصيا متكونش عارف بس الواحد مبيبقاش عارف ايه انسب حاجة ليه في كل وقت ، الا بعد ماياخد قرار وبعد فترة يبص تاني ويقول انا كان المفروض اعمل كذا وكذا ، احتمال تكون عايز انك تنساه لدلوقتي وتبدأ تاخد حياتك لمكان احسن ، اجمل وافضل من غيره ، بس انا مش عايزك تعمل ده بسرعة دلوقتي وتاخد قرار دلوقتي الا لما تكمل قراية ، لو قريت للاخر ساعتها تقدر انك تلتزم بقرارك مهما كان ولما تلتزم بيه هتكتشف انك وصلت لدرجة الفهم وفي النهاية هتلاقي الموضوع بسيط وسهل ، انا مش عارف انت هتقرر انك تنسى دلوقتي ولا انك تبدأ تفهم الاول انت محتاج تنسى ليه ، خليني اسالك سؤال ، ايه الي هيحصل لو بعد عشر سنين من دلوقتي وبعد ماتكون فهمت وخدت قرار انك تكمل حياتك بقوة ؟ تخيل هتبقى عامل ازاي ؟ بتفكر ازاي ؟ شغلك ، حياتك الاجتماعية النفسية ، الشخصية ، سميها زي ماتسميها بس انا عارف انك هتبقى افضل من دلوقتي بكتير .

     خليني اقولك على سر ، الواحد يقدر دايما انه يفهم ولما بيفهم بيبدأ يحس ان الموضوع بالنسبة له بقى اسهل بكتير ، مش كده ؟ وعلى رأي المثل ، اذا عرف السبب بطل العجب ، حاجة عاملة زي عجلة بتدور ، ومبقاش ليها فايدة انها تدور تاني وتيجي انت تدرك انها لازم تقف فبتقولها اقفي ، مش هتقف لانك انت الي دورتها من البداية ، لازم تدخل منك علشان تبدأ توصلها فكرة انها لازم تقف وان مهمتها انتهت ساعتها هتبدأ تهدى لحد ماتوصل انها تقف تماما وبأمرك هتدور تاني من اول وجديد بحب جديد وبفكر مختلف ، لانك لو حاولت انك تودي العجلة لاتجاه مختلف ،  هتروح للمكان الي انت عايزه بس ساعتها لو كانت دايرة بفكرة قديمة هتبقى قوة الدفع بتاعتها الفكرة القديمة لانها  لسة مماتتش ومنتهتش فلما توصل للمكان الي تحدده هتحس ان ده مش مكانها لان الشخص ده مكنش موجود من البدايه انا موافقك انه صعب النسيان لاني جربت بنفسي ، بس كل حاجة صعبة بتبقى سهلة في النهاية لما بنكتشف اننا حققناه فعلا صح ولا لا؟ علشان الي مبيموتكش بيقويك فده معناه انك تقدر دايما تتحسن من اي اثر لاي علاقة
قديمة ومن اي حد اذاك واذى مشاعرك و زي ماحصل في حياتك قبل كده انك انفصلت عن حد كان اهم في حياتك فانت عارف انك بسهولة تقدر تنفصل وتنسى تماما الشخص الي انت عارف انك المفروض تنساه ، لانك لما بتنساه دلوقتي حالا بتبدأ تحس من جواك ان مممم كان المفروض ده يحصل من زمان ، وساعتها لما بتعرف انك نسيته بتلاقي ان الحياة بقت اسهل وبتعرف انك تبدأ تفكر في حد جديد او هدف جديد لنفسك ، حتى هتعرف تختار كل الي انت عايزه بنفسك وتعيش الحياة الي بتختارها بنفسك وتختار الالوان الي بتحبها سواء كانت احمر او اخضر او اصفر انا شخصيا افضل ليك الاحمروبعد كده حاول تفتكره تاني ، حاول على اد ماتقدر ، حاول معلش بس حاول تاني جرب حاول تفتكر اي موقف بينه وبينك ، الموضوع بيصعب كل مرة ، وكل مرة بتفتكر موقف بتكتشف انه فقد
اهميته بالنسبة لك لانك بتقرر انك تنساه والنسيان ده في حد ذاته قرار العقل خدته ووصله للعجلة الي بتدور بسببه وبتبدأ العجلة تقف ولو حاولت انك ترجع الفكرة تاني علشان العجلة تتحرك تاني هتكتشف ان الفكرة مش كفاية وان
العجلة مش هتدور لنفس الشخص مرتين ، انا مش عايزك تنسى لان النسيان مش هو الحل بس ساعات بنكتشف اننا نسينا من غير مانقرر ننسى مين وفين وامتى وازاي ننسى دلوقتي ولا بعدين وليه نحاول ننسى والنسيان نفسه شىء عادي جدا بيحصل كل لحظة وكل يوم ، كل ثانية وكل دقيقة بننسى بننسى ناكل ساعات وبننسى حاجات مهمة جدا وبتنسى .. اقرب الناس ليك وبتنسى انك تعمل اي واجب عليك وبتنسى وبتبقى عارف انك فعلا نسيت … حاجات مبتتنسيش خليني اقولك فزورة ، لو قدامك تلات احبال مربوطين بعقدة (جمع حبل) ومحتاج انك تقطع العقدة الي بينهم ، هتختار ايه تقطعهم بيه ؟ هتختار عقلك ولا السكينة ؟ …. مش محتاج تفكر كتير … عقلك .. لانه هيقولك تختار السكينة الي هتقطع بيها الحبل وتخلي التلات احبال لوحدهم بشكلهم الطبيعي الي كانوا عليه مفيش مشكلة ملهاش حل ومفيش سبب يخليك تحتفظ بحاجة انت عارف انك مش محتاجها ولازم تتخلص منها دلوقتي .

      قبل كده كنت ماشى فى الشارع ، قابلت واحده صاحبه مامتى و صاحبتى انا جدا جدا جدا ، ربنا يديلها طوله العمر ، كانت جايه تزورنا وكان شكلها يختلف عن كل مرة شوفتها فيها و قالتلى مالك قولتلها على الي حصل قالتلي انك هتقدر تتغلب على المشكلة ديه مع الوقت وهتتعلم منها .. حسيت ساعاتها انها مجرد بتساعدني علشان انسى بس افتكرت كلام الطرف التاني لما قالي متفتكرش اني هفكر في الي هتفكر فيه ، لاني فعلا بدات افكر بفكر مختلف تماما عن الي كنت بفكر بيه … حاجة وحشة مش كده برضه بقولك تاني انك بتتحسن مع كل يوم يعدي عليك بتعرف انك اقوى من اي حد تاني غيرك قالتلي نفس الكلام وبقيت احكيلها القصة لما انتهيت منها قالتلي غريبة ان الواحد يتمسك بالشر ويدعي في نفس الوقت ان ربنا يحميه منه … قولتلها ايه القصة ؟ قالتلي من الوف السنين كان بيعيش مخلوق اليف ، بس شكله مخيف ، كانت الناس بتهرب منه وكان عباس اسمه وسنه اكتر من 300 سنة ، في الوقت الي الناس كانت بتعيش فيه كتير ،كان فيه امير بيحكم البلاد ، امر الوزرا والعباد انهم يجيبولوا المخلوق لحد عنده يستجوبه انت ليه شكلك كده ، رد عليه بالشكل ده … “انا من سنين كنت اجمل الناس ، لحد ماقابلت حد خنته وسبته ولما سبته لعني ، وبقى شكلي كده ..” ولأن كل واحد يقدر انه يسيب زي ماقدر انه يمسك فالمخلوق اختار انه يسيب لما عرف انه مكنش يقدر يكمل ويمسك ، بس التاني مفهمش ده ، رد الاميروقاله والي يكسرلك لعنتك ويخرجك ؟ قاله احبه وابقى دايما معاه في اي مكان يبقى فيه .. قاله غمض عنيك وتخيل نفسك مقابلتوش من زمان ، وماقد كان يظل في الحسبان … صحي عباس وعرف انه مبقاش مجرد مخلوق ضعيف ولا حتى حد شكله مخيف ، بقى جميل ومبسوط وحضن الامير وقاله .. انا مكنتش ملعون ، انا الي خليت اللعنة ليها قوة عليا لما مسكت فيها وقررت اني اتبناه واعيشها واعيش جواها ولما سمعتك بتتكلم فهمت سر مكنتش فاهمه من زمان … سالته وايه الرابط بيني وبين القصة ؟ قالي احتمال متكونش عارفه دلوقتي بس انا متاكد انك هتعدي عليك لحظة وهتفهم ايه كان الرابط وساعاتها هتعرف ايه الي هتختاره علشان تفك الربط بيه .. واحتمال انت كمان تكون عرفت ازاي تقدر تفك الربط الي بينك وبين اي حد لازم تنساه ، واحتمال متكونش ادركت لسة الطريقة لكده بس جواك في مكان ما فيه حاجة فهمت واقتعنت وهتبدأ تاخد موقف وقرارات ، انا مش عارف انت هتحس بالاختلاف دلوقتي ولا من اول النهاردة ولا لما تنام وتغمض عنيك وتصحى وتحس انك بقيت فاهم اكتر وعارف اكتر عن حياتك … نصيحتي ليك انك تسامح وافتكر دايما الذكريات الكويسة مهما كانت ساعتها اي الم هتحس بيه هيختفي وهتكتشف ان اللعنة انكسرت والعقدة انحلت ورجعت لنفسك زي زمان احسن واجمل واقوى من اي وقت تاني .

Sunday, August 19, 2012

ذكريات الحب الأول

بسم الله الرحمن الرحيم 

(سمعت ذات ليلة شيخا صوفيا يقطر الورع من عينيه يقول لمريديه‏:‏ من فارقناه في الدنيا لاقيناه في الآخرة‏.‏ وسأله أحدهم وهو يتوه في كلامه‏:‏ حتي لو كانت امرأة عشقناها في الزمان الأول‏.‏ فأجابه علي الفور‏:‏ لم أقصد سوي هذا‏.‏ فخرجت من المسجد وأنا أتمني ألا يطلع علي النهار‏.‏)

 

Saturday, August 18, 2012

ريحة الفراق


 بسم الله الرحمن الرحيم 


معاك إن حاجة بتجمع ما بينّا .. معاك إن حاجة بتجمع ما بينّا
لكن بينّا حاجة بريحة الفراق .. لكن بينّا حاجة بريحة الفراق
معاك إن حاجة بتجمع ما بينّا .. معاك إن حاجة بتجمع ما بينّا
لكن بينّا حاجة بريحة الفراق .. لكن بينّا حاجة بريحة الفراق
طريقة تأمّل .. تباين مشاعر .. طريقة تأمّل .. تباين مشاعر
زمن مش فاهمنا ..  أو مجرد غباء .. زمن مش فاهمنا ..  أو مجرد غباء
لكن بينّا حاجة .. جايز بينّا حاجة .. لكن بينّا حاجة .. جايز بينّا حاجة
أيوة بينّا حاجة بريحة الفراق .. أيوة بينّا حاجة بريحة الفراق



Thursday, August 16, 2012

انساب

بسم الله الرحمن الرحيم 


انساب و ليه تتربط ياللى فى ضهرك جناح .. احزن عشان تتبسط و موت عشان ترتاح 
ده الموت يعيدك لاصلك .. بس انت موتك معصلج
ياللى انت وشك غريب .. ياللى انت قلبك محاصرك
انساب و ليه تتربط ياللى فى ضهرك جناح .. احزن عشان تتبسط و موت عشان ترتاح
امشى فى حظر التجول و اضحك فى عين التسول .. تعتـر على المفتاح
إنساب

--------------------------------------------------------------------------------
الالة الغريبة التى يشبه صوتها صوت الزن  هيا الة الأرغول الة تشبه الناي المزدوج الة اول من اخترعها واستعملها المصريين القدماء 

 



Monday, August 13, 2012

يارب

بسم الله الرحمن الرحيم



اللهم إن لي قلبٌ سريعُ التعلق بـحب خَلـقـك بطيءٌ في نسيان من ارتحل عنه
اللهم وإن ذلك يـؤلمه
فإن كنت تعلم أن في ذلك خيرٌ له فوطنِّـه عليه و رضّـِه به وإن كنت تعلم أن في ذلك شـرٌ يؤذيـه فـكما مننـت عليه بسرعة الحب مُـن عليه بنسيانٍ يرحمه

Sunday, August 12, 2012

ندمنا على ما فعلنا

بسم الله الرحمن الرحيم

اللهم انت ربي .. لا إله الا أنت .. خلقتنى وأنا عبدك .. وأنا على عهدك ووعدك ما استطعت .. أعوذ بك من شر ما صنعت .. أبوء لك بنعمتك علي .. وأبوء بذنبي .. فاغفر لى .. فإنه لا يغفر الذنوب إلا أنت .

اللهم ان تضلنى فلن أجد غيرك وليا مرشداً .. اللهم من ذا الذى يجد ضالته عند غيرك .. وقد علمت يقينا أنك قيوم السماوات والأرض .. اللهم انك تعلم ما أفعل قبل أن أفعل ولا تنسى  بعد أن فعلت .. ولكن أملى ورجائي ان تشملنى برحمتك وعفوك وتتجاوز عما أسأت .. اللهم انى أعلم إنى  مقصر  ذليل .. ليس لي عذر يارب العالمين .. اللهم انى اعترف بذنبي الذي اذنبت وبحماك الذى انتهكت .. ولكن حسبي من ذلك رضاك عنى ورجاءاً منك أن تهديني إلى طريقك .. اللهم كن وليّي .. خبت وخسرت إن لم تكن كذلك لي يارب العالمين ... يارب ألم تتقبل أي دعوة بالهداية دعوتها منك يوماً.. خبت وخسرت إن لم أفعل  .. يارب إنى أتشفع عندك  بصلاتى على المصطفى صلى الله عليه وسلم .. إن كنت في زمانه لذهبت عنده الان أبكى ما أقترفته في حق تواب رحيم ..
يارب .. لقد أسأت  تقدير حلمك وعفوك وإمهالك للمسئ .. يارب إنى لا أصلح أن أكون لك إلا عبدا .. فاستخدمنى ولا تستبدلنى يارب .. اللهم ما يأتيك أحد بمسألة الا أعطيته إياها لعزتك وقدرتك وجبروتك  وعطفك ورحمتك التى وسعت كل شئ .. اللهم انك قلت في كتابك الكريم الذى أنزلته على حبيبك محمد صلى الله عليه وسلم  (قل يا عبادى الذين أسرفوا على أنفسهم لا تقنطوا من رحمة الله ان الله يغفر الذنوب جميعا إنه هو الغفور الرحيم ) .. 
اللهم عبدك الذليل الحقير قد أتاك ... لم يجد ملجأً منك إلا اليك ... ضاقت به أرضك بما رحبت .. فلا ترده خائبا خاسرا يارب .. اللهم اقبل توبتى واعترافى بذنبي كما قبلتها من عبدك يونس يارب .. ولا تجعلنى باعترافى بذنبي من أصحاب السعير الذين قلت لهم سحقا عندما اعترفوا بذنوبهم .. اللهم انى أعوذ بك من عذابك .. وأرجو عفوك ورضاك .. رضاك الذى أضعته في لحظة ضعف وتزيين لما اقترفت من الشيطان 

ربى .. أرجوك .. وأتوسل اليك ألا تغلق باب الرحمة والمغفرة في وجهى ..

اللهم إنى اتحين لحظات استجابة الدعوة .. وهذه منها .. فآمل منك الإستجابة .. اللهم انى أرجوك أن أكون العبد الذى ستستجيب دعوته .. وتتقبل توبته وتغفر له ذنبه .. وما اقترف في حق نفسه .. انا الذى تسأل عنه  وتقول (من يدعوني فأستجيب له، من يسألني فأعطيه، من يستغفرني فأغفر له )

اللهم انى أريد الحديث بالمزيد .. ولكنك تعرف عنى المزيد .. أكثر حتى مما أعرف عن نفسي ...ولكن خجلى منك وما اقترفت يمنعنى زيادة كلام .. ولكن دعنى أذكر كلامك الذى أنزلت لنا لنهتدى به 

إذا جاء نصر الله والفتح ورأيت الناس يدخلون في دين الله أفواجا فسبح بحمد ربك واستغفره إنه كان تواباً) [النصر:1-3].

( ثم أفيضوا من حيث أفاض الناس واستغفروا الله إن الله غفور رحيم) [البقرة:199].

(فقلت استغفروا ربكم إنه كان غفاراً يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهاراً) [نوح:10-12]. على لسان  نوح  عليه السلام

(ربنا ظلمنا أنفسنا وإن لم تغفر لنا وترحمنا لنكونن من الخاسرين) [الأعراف:23]. ادم وحواء عندما أذنبا بمخالفة أمر الله

(وأن استغفروا ربكم ثم توبوا إليه يمتعكم متاعاً حسناً إلى أجلٍ مسمىً ويؤتِ كل ذي فضلٍ فضله) [هود:3]. على لسان هود عليه السلام

(رب اغفر لي وهب لي ملكاً لا ينبغي لأحدٍ من بعدي) [ص:35]. على لسان سليمان

(والذي أطمع أن يغفر لي خطيئتي يوم الدين) [الشعراء:82]. على لسان إبراهيم سبحان الله .. هذا خليل الله .. فما بالك بنا .. يارب سلم سلم 

(وما كان الله ليعذبهم وأنت فيهم وما كان الله معذبهم وهم يستغفرون) [الأنفال:33].يارب انجز لنا وعدك الذى وعدت وما كنت بمخلف وعدك أبدا 

(قل ياعبادي الذي أسرفوا على أنفسهم لا تقنطوا من رحمة الله إن الله يغفر الذنوب جميعاً إنه هو الغفور الرحيم) [الزمر:53]. آمين يارب العالمين 

(والذين إذا فعلوا فاحشةً أو ظلموا أنفسهم ذكروا الله فاستغفروا لذنوبهم ومن يغفر الذنوب إلا الله ولم يصروا على ما فعلوا وهم يعلمون أولئك جزاؤهم مغفرة من ربهم وجنات تجري من تحتها الأنهار خالدين فيها ونعم أجر العاملين) [آل عمران: 135-136]. يارب لم أصر يا رب لم أصر يارب يارب اجعلنى منهم يارب 

سبحانك يا من قلت عن نفسك (وهو الذي يقبل التوبة عن عباده ويعفوا عن السيئات ويعلم ما تفعلون) [الشورى:25].

 (إن تجتنبوا كبائر ما تنهون عنه نكفر عنكم سيئاتكم وندخلكم مدخلاً كريماً) [النساء: 31]. اعف عنا يا عفو  وكفر عنا ماقرفنا من سيئات يارحيم 

(ولو أنهم إذ ظلموا أنفسهم جاءوك فاستغفروا الله واستغفر لهم الرسول لوجدوا الله تواباً رحيماً) [النساء:64]. صلى الله عليك وسلم ليتني في زمانك فتستغفر لي ولكن حسبي  الصلاة عليك 

(ومن يعمل سوءاً أو يظلم نفسه ثم يستغفر الله يجد الله غفوراً رحيماً) [النساء:110]. 
يارب  ظلمت نفسي واستغفرتك فتب علي واغفر لي وارحمنى

يا من قلت  في الحديث القدسي: "يا عبادي إنكم تخطئون بالليل والنهار وأنا أغفر الذنوب جميعاً فاستغفروني أغفر لكم". اغفر لي يا غفار


   

Friday, August 10, 2012

يارب

بسم الله الرحمن الرحيم 

يارب .. أدعوك موجوعا .. أدعوك مشتاقا .. أدعوك مذلولا.. أدعوك وقد ضاقت بي كل سبيل غير سبيلك .. الله إنى أسألك لطفك الخفي .. الذى يساعدنا على الرضاء بقدرك .. اللهم ان كنت ضالا فاهدني لإانى لا أعرف غيرك وليا مرشدا .. وان أعترف بأنى ضعيف فقوني .. فلا حول ولا قوة لضعيف مثلى الا بك يا جبار .. يا عزيز .. يا غفار .. اللهم انك قسمت لي نصيبا معلوماً مما تعلم .. فأكمله لى في الجنة يا رب العالمين .. سبحانك .. ولا تقال الا لك ... يا من ترانى وتسمعني في كل وقت ومكان .. استر عيوبا انت تعلمها وانا اعلمها .. واغفر ذنوبا لست أعلمها .. يا واصل المنقطعين .. صلنى إليك غير مبتور ولا مردود .. يا من خلقت كل شئ من العدم اخلقلى من نفسي زوجة أسكن إليها .. وهب لى من لدنك رحمة فلا أظلمها ولو بمثقال ذرة ..فليس لها ذنب فيما فعل غيرها .. اللهم انك قلت وقولك الحق .. لا تزر وازرة وزر أخرى .. فلا تجعل زوجتي التى في غيبك تزر وزراً لا يد لي فيه .. فأنت المنعم بالعاطفة ابتداءاً .. فأنت المعطى حينها .. وأنت الاخذ الان .. فيسرلى أمرى وأصلح لي حالى وأنر بصيرتى .. وتول أمرى .. ودبر لى فإنى لا أحسن التدبير .. اللهم انى استوفيت سبل السعي على قدر مقدرتي واستطاعتى وتوكلت عليك .. فلا تربط  انفاذ قدرتك بحسن توكلى .. ان تفعل أكن من الخاسرين يا رب العالمين ... يارب انك تعلم ما بي وما صرت إليه .. اللهم لا تفتنى في ديني .. وتوفنى وأنت راضٍ عنى .. وبلغنى رمضان .. وارزقنى الفردوس من الجنان .. واجمعنى بأبي القاسم عند حوضك الريان .. اللهم إنى أسألك السلامة في ديني وفي عرضى وفي سرى وفي جهرى .. وفي عبور الصراط يوم لا ينفع مال ولا صاحبة ولا بنون .. إلا من أتاك يا ربنا بقلب سليم .. فطهر يا ربنا  قلوبنا من النفاق وأعيننا من الخيانة .. ويسرلنا من تألفنا ونألفها .. وتعيننا على أنفسنا في سبيل رضاك .. اللهم انك تعلم ما في نفسي وتعلم ما في نيتي  قبل أن أخلق .. إنما أدعوك استجابة لأمرك .. ورغبة في الأنس بك بعد ان صرت فيما تعلم من وحدة وانعزال ... اللهم ارض عنى وتوفنى وانت راضٍ عنى يارب .. والحمد لله رب العالمين

Thursday, August 9, 2012

أيام الجيش 2


17-1-2011 
اليوم ده رحت الهايكستب  عشان أعرف  سلاحى  قعدت فترة كبيرة لحد ما سمعت اسمى في  قوات الدفاع الجوى ... رسميا  المهندسين بيخشوا  أسلحة بعينها زي : سلاح المهندسين -الدفاع الجوى -البحرية - الجوية - المخابرات .. بس لو ممعكش واسطة هتخش سلاح المهندسين  وهو أسوأ سلاح في القوات المسلحة المصرية  وده من بق الظباط نفسهم

رحت لمكان تجمع الناس اللى هيخشوا دفاع جوى ... وقفنا  صول  في  صفوف  كل صف يتكون من 5 أفراد ... وده النظام السائد في الجيش  لتنظيم المجموعات  وبدأ يعد عد بدائى  أكنه بيعد  عجول  ... بعدها ينده على الاسماء  ويرجع  يعد  تانى  وبعدها  ينده على الأسماء  ... المهم الصول ده  ادانا كوبونات كدة عشان نبقى نركب بيها القطر بكرة 

فجر يوم 18-1-2011
أخويا  محمود وصلنى لمحطة مصر كان معايا شنطة كبيرة  فيها هدوم كتير  تحسبا  لو  حصل في الأمور أمور ومحدش عرف يجيلى  زيارة .. والحمد لله  تفكيرى كان سليم ... استمعت  لنصايح  ناس دخلو الجيش  قبلى  ودخلو  مركز تدريب  دهشور  دفاع جوى  وقالولى  متاخدش معاك اي حاجة  غير اللبس  لان ده هيعتبروه  رفاهية   وفعلا  يوم  الدخول لمركز التدريب ده  كان  يوم  شدييييد  اوي  وملئ بالأحداث ... وصلت المحطة  ومكنتش عارف القطر مكانه فين ... بس لقيت  تجمع  شباب  كتير ومعاهم ناس واقفة  فعرفت ان ده القطر .. سألت الناس أكدو لى ان هوا ده القطر  لما وصلت  لقيت  ناس  بتصلى الفجر ... صليت معاهم  ويدوبك خلصنا  صلاة  لقينا القطر بيصفر  ... ركبنا القطر .. كان فيه  بشر  كتيييرة  اوى  وكله معجون في بعضه  الناس راكبة مكان الشنط والشنط راكبة مكان الناس :) ومحدش مضايق من حد  لأن الهم واحد فمثلا  واحد جنبي  كان بيشرب  سجاير  ومقدرتش  بصراحة اقله  اطفيها  او اشربها بعيد .. أولا مكنش  فيه مكان يقدر  يتحرك ليه ويشرب السيجارة  تانى حاجة  شكله  كان  قلقان وكان محتاج السيجارة  دي  جدا .. ولكن انا  برضو  كنت مخنوق  من السجاير  فبصلى  وبص للسيجارة  وبصلها بحنان  وطفاها ... اتعرفنا على بعض معرفة كاجوال كدة .. وحاليا  مش فاكر  اي حاجة  عنه  غير الموقف ... في الطريق كان فيه أراضى كدة  ومزروعة  كلها  نخل  ... كانت  تحفة  اوى نفسي اروح المكان ده بجد  وبعد الأراضى  تلاقى الصحرا  تحس انك كنت بترسم في نص في نص الورقة وعملت خط وكملت الباقى لون اصفر ... القطر  فضل يمشي  بملل  شديد .. حتى القطر مكنش عايز يروح الجيش  :) ... الإيفهات كانت  منتشرة اوى في القطر  وكنا بنضحك  ... بس  برضو  بنضحك بحذر  ولكل  سببه  فيه اللى خايف من الجيش وفيه اللى زعلان على فراق أهله .. وانا شخصيا كنت زعلان انى  حاليا  هبدأ سنة ضايعة على الفاضى ... وفعلا السنة ضاعت  يا ولاد الكلب .
القطر  وقف  فجأة في وسط الصحرا .. وقف كدة من غير محطة ولا اي حاجة  افتكرنا القطر عطل ولا حاجة  لكن لقينا اللى بيقول  يلا  يا رجالة وصلنا .. وصلنا  فين  ده احنا في حتة مقطوعة ... المهم نزلنا من القطر نط وفضلنا ماشيين في الصحرا كدة تقريبا  2-3 كيلو وده على كلام العساكر القديمة اللى كانت جاية معانا في القطر ...وانك تمشي المسافة دي بشنطة تقيلة  فدي البداية  بقى  يا معلم.
المهم وصلنا أخيرا  لسلك المعسكر الخلفى بدأنا نقعد في مجموعات  كل واحد تبع منطقة تجنيده ... انا اللى  باسطنى انى كنت منظم  اوى  وربنا كان موفقنى لأبعد حد ... كنت  لامم كل حاجتى في شنطة واحدة .. وكيس صغير  فيه   بسكوت وعصير ... مش عشان انا نايتى  وفرفور  بس  عشان محدش يتحجج وياخد منى الحاجات دي ويقول ممنوع  وفعلا ده اللى حصل  للناس اللى كانو واخدين  أكل  بيتي  فراخ بقى  ومكرونة  والذى منه ... الحاجة التانية  عشان ماكلش أكل  يخليني اضطر اخش الحمام خصوصا  انى في مكان جديد وفرصى لدخول الحمام  أكيد هتكون صعبة  وده برضو اللى حصل  بعدين.
قعدنا في مجموعات  برضو.. لحد ما بدأو يوزعوا علينا الكارنيهات ... وزعوا الكارنيهات على الناس كلها وكارنيهي انا مستلمتوش ... ارتبك الصول اللى كان مرحلنا وقعد كذا مرة يتأكد انا في دفاع جوى  وانا اقله اه  ..وبعد محاولات مستميتة قالى لم حاجتك وتعالى ... دخلت مع عسكرى أمن الوحدة وكان عسكرى  قبيح الشكل واللسان  ... كان يحثنى على السير  سريعا وانا  اعترض في كل مرة  بقولى " شيل انت شيلتى وانا امشى اسرع  منك"  .. ويكون رده هوا انا هشيلك  حاجتك كمان ... والحمد لله  انو مغلطش  فيا ... المهم مشيت  كتير  اوى  لحد ما اوصل لمجمع المكاتب الصول المسئول عن الأفراد  لطعنى  كدة يجي ساعتين لحد ما خلص  الورق  بتاع المستجدين  .. ودي كانت فرصة كويسة  انى  اتكلم في الموبايل مع اخويا  .. بعدها الصول قالى  روح دلوقتى  والكارنيه  هيجيلك  كمان يومين ... رجعت  تاني  لمكان تجمع الناس .. وأخدت حقن التطعيم ... 3 حقن في دراع واحد .. بس الحمد لله دراعي موقفش ولا  رجعت ولا الحوارات دي ... لأن في ناس قعدت يومين  سخنة وتعبانة لمدة كبيرة في المركز وقالولى اسمع رقمك في مركز التدريب .. الحمد لله  كان الموبايل معايا  فبلغت الرقم لأخويا  عشان يجيلي في الزيارة وإلا كان هيتسوح لما يجيلي ... بعد مابلغت رقمى .. عسكرى قديم شافنى وبلغ عنى الصول بتاع الأمن ... الراجل كان  متحفزلى  أوى وحسيت انهم مسكوني بحشيش مش بموبايل  فالراجل زعق في وشي  ويقلى  انت منين ... قلتله من بنها .. قالى  تجنيد القاهرة  يعني .. قلتله اه ... فأنا  حكيتله على القصة بتاعتى من الصبح لحد دلوقتى فالراجل  قالى  بهدوء طيب احنا كدة هناخد الموبايل .. قلتله  خده ... خده واداه  لوحد من العساكر ... بعد كدة وقفت في الطابور تحضيرا للتفتيش الذاتى بتاع الوحدة ... التفتيش كان  زي الزفت ومكنوش بيعدو أى حاجة خدو منى الراديو والبطاريات  وكشاف كنت واخده  والراجل بكل غل  قعد يكسر فيه  ميتكسرش  ياخده تانى ويهبده في الأرض ميتكسرش .. قلتله  يا عم وتكسره ليه سيبه لأى حد يستفيد بيه ... 

طبعا التفتيش الذاتى  بتقلع  هدومك  كلها  بتبقى   بالملابس الداخلية بس .. والكلام ده في ارض الطابور .. شبيهة بالأرض اللى بيحصل فيها العروض العسكرية اللى بتحصل كل سنة دي ... خدوا منى حاجات كتير .. بعدها لميت  حاجتى اللى رموها على الارض في التفتيش  ولبست  تاني  ورحت استنى في طابور  طويل تانى عشان استلم المخلة ... اثناء الانتظار .. صليت العصر .. اتيممت وصليت على التراب العادى .. فضلنا قاعدين على الأرض يجي ساعة كدة وبكدة كان دخل علينا المغرب  ولسة اليوم  مخلصش  .. ده كان  من أطول ايام حياتى... بعد ما استلمنا المخلة .. وطبعا لما بنستلم  بنمضى على حاجات استلمناها  ولكن مش موجودة فعلا في المخلة .. صحيح المخلة عبارة عن كيس قماش كبير تقريبا طوله متر او متر 30 و  سنتى ولكن لما بتحط فيها كل حاجتك وزنها بيبقى تقريبا 20-25 كيلو .. وده  هيفرق كتير أوى  لما نيجي نتكلم عن يوم الترحيل البشع .. المهم استلمنا الحاجة... ودونا الميز إجباريا ..انا كنت مش لاقى حاجة أكلها حتى اللى كان داخل بأكل أجبروه انو يا اما يا كل اللى معاه يا اما يرمى الأكل .. وناس كتير أوى رمت الأكل عشان مكنوش هيقدروا ياكلو كل الكمية اللى معاهم .. انا كان ممكن اكل اي حاجة غير انو يجيلي حتة سمك مقلى  باردة جدا وسلطة حمضانة .. بصراحة الريحة كانت هتخليني أرجع  ولكن مسكت نفسي وقلت انام خفيف وخلاص  ... بعدها رحنا مكان الكتيبة بتاعتنا .. وقفنا في حوش كبير كدة  وقالولنا  في ظرف 10 دقايق  تكونوا لابسين مموه .. فتحنا المخل  وطبعا احنا بنستلم المخلة كدة بالحظ .. يعني مفيش مقاسات .. فلقيت ان كل حاجة في المخلة عندى صغيرة .. بدلت أفرول مموه كدة على السريع مع واحد تاني ولبسته  .. الحزام في الجيش أسمه قايش ... انا مكنتش لسة عارف اربط القايش فقمت لابسه بحزام البنطلون الجينز العادى لحد ما يبقى ربنا يفرجها بقى :) .. البيادة كانت من غير رباط والأفرول كان مبهوق  أوى ..ولكن ده كان حال الجميع .. بعد ما غيّرنا هدومنا  دخلنا على العنبر اللى فيه السراير وكنا فاكرين اننا هنام .. ولكن نوم ايه مفيش نوم ... خرجنا تاني ووقفنا طوابير ... وساعتها كان الليل ليّل ... وهنا اكتشفت ان كل العوميد اللى موجودة في المركز دي ما هي الا ديكور .. ولا عمود نور شغال كنا ماشيين  نخبط في بعض ماشيين زي الغنم كدة يقولو يمين  يمين  شمال شمال كان منظرنا مثير  للسخرية والرثاء .. وصلنا للميز تانى .. الميز هوا مكان كبير بناكل فيه .. كل ما نروح مكان نقعد على الأرض زي الاسرى كدة .. منظر مهين .. ولكن لما فكرت فيها  يعني هيعمل ايه في العديد الكبير ده .. هيجيبله كراسي يعني ؟ ..  المهم دخلنا الميز .. العشا كان فول نص سوى وفيه ريحة وحشة اوي والعيش كان ناشف ومجلد .. ولكن  انا كان ممكن ساعتها اكل اي حاجة .. وكلت بس مكترتش  .. عشان لما باكل وانا مليش نفس بطنى بتوجعنى .. وانتشرت اشاعة من هذا اليوم وهوا اننا منشربش الشاي  عشان فيه زيت كافور .. وزيت الكافور من فوائده انو بيقلل الانتصاب .. بس طبعا فضلنا عايشين على هذا الوهم وفي الاخر طلعت اشتغالة ... المهم بعد ماكلنا خرجنا وقعدنا على الارض .. وبعدها وقفنا في طوابير وعلمونا النداء واحنا بنجري .. وقالولنا نصحى بكرة الساعة 5 اه يا كفرة .. خمسة خمسة .. بس ننام .. ورجعنا العنبر  بدأت اطلع الحاجات اللى كانت هتتلبس وأحط ديتول على السرير والمخدات والحاجات دي .. بعدها دخل واحد وقال كلو ينام .. فطفوا النور .. فضلت برضو كدة اشتغل على نور كشاف صغير متهرب  لحد ما خلصت  ونمت ... وانتهى يوم من أطول أيام حياتى ولكن ليس أطولها على الاطلاق لان اللى جاي اتقل

Wednesday, August 8, 2012

تدور وترجع

بسم الله الرحمن الرحيم 
 


تدوّر وترجع وجع واعتكاف .. وتطبع عليك السنين العجاف .. وأول ما حُبك يقابلك يسيبك ! ... وأول ما حُبك يسيبك تخاف .. صنعت سجنك م الهوا ودخلته بإرادتك.. وإديت حبيبك نفسك ...  ما سألت فين حطك .. وإكمن كله أذاك قررت تعشق ملاك ..! يا اللي عشقت الملاك حتى الملاك صدّك


--------------------------------------------------------------------------------












Monday, August 6, 2012

يوم الخميس

بسم الله الرحمن الرحيم


يعود من درس " الرياضة " ... يصلى المغرب ... لا يجد احدا في المنزل كالعادة .. يضع كتبه... يفكر في احد شيئين عادة ما اصبح يفعلهم مؤخرا ... هل سيخرج مع اصدقائه ام سيشاهد التلفاز او احد الافلام على الحاسوب .

يدخل اخاه الاوسط واجما ... هذا الوجه اصبح سائدا وعفويا في المنزل مؤخرا ... ولكن هذا الوجوم غريب هذه المرة

خالي

بسم الله الرحمن الرحيم
5-3-2012 الساعة 10:30 بالليل

كنت بكوى قميص عشان خارج ... وجت مكالمة روتينية عادية من بنت عم ماما والمكالمة اقتصرت على التحيات والسلامات وجاء في اخرها خبر صغير كدة ان خالى ضهره واجعه ... ماما خلصت المكالمة .. واتصلت بخالى عشان تطمن عليه مع بعض العتاب الخفيف في انه تعب ولا قالشى .... رد خالى بأنه مفيش حاجة وكله تمام هما بس حبة وجع بساط كدة عشان يمكن الدنيا ساقعة ولا حاجة .... خرجت انا مع اصحابى ورجعت الساعة 12 بالليل نمت

Sunday, August 5, 2012

ابتلاء الخاصة .. والعامة

بسم الله الرحمن الرحيم 

الابتلاء يعني الإختبار ... وفي الأحاديث أشد بلاءاً الأنبياء .. ثم يبتلى المرء على قدر ايمانه .. حتى  يمشى على الأرض وليس عليه خطيئة . 

  طريقٌ الإبتلاء بدأ به  آدم وابتلى بحواء وصبر وغفر ولم يعترض ادم ولم يجزع
، وقاسى  من أجله نوح وابتلى في زوجته حتى ذمها الله ذما شديدا وصارت مثلا للمرأة السيئة بل اسوأ نساء العالمين .. لأنها لم تتحمل معاناة زوجها نوح وكانت تسخر منه كما كان يسخر منه الكافرون ولم يعترض نوح ولم يجزع بل قال ما يرضى ربه.
 ورُمي في النار الخليل إبراهيم وابتلى بمعاداة أبيه له وهو يحبه  وابتلى في زوجته سارة وايضا في زوجته هاجر وترك ابنه الرضيع اسماعيل وزوجته الحبيبة في وسط صحراء لا زرع فيها ولا ماء واستجاب لأمر ربه في ذبح ولده  ولم يكن من أمره شئ بل صبر عند الابتلاء ولم يجزع.
 
 وأُضْجع للذبح إسماعيل ولم يهرب من أبيه ويتنكر له .. لم يرد عنه مثلا انه اتهم اباه بالجنون .. قال افعل ما تؤمر
 وبيع يوسف بثمن بخس وابتلى في جماله ولم يكن يملك منعه وابتلى في حب ابيه له ولم يكن ذلك بيده  ولبث في السجن بضع سنين ظلما  وابتلى بامرأة العزيز وكان ممتنعا عن الحرام. 
وابتلى يعقوب في فقد ابنه ولم يكن له يد في مكر اخوة يوسف به ... وابيضت عيناه من الحزن وكثرة البكاء على فقد يوسف ولم يكن له يد في ذلك .

ابتلى موسى من لحظة ولادته  وفر من قومه هربا وكان ذلك ابتلاءاً شديدا ولكن الله عوضه  بزوجة صالحة رأت فيه أنه قوي أمين  وذكرها  الله مرة ثانيه في اشارة لصبرها على موسى  حيث انتظرته في ليلة مظلمة  شديدة البرد ليذهب ويأتى بالنار للإضاءة والتدفئة.

 ونُشر بالمنشار زكريا الى نصفين وكان صبره أشد الصبر.
ابتليت العذراء مريم في شرفها  وعانت الام الحمل والوضع وحدها دون ممرضة او ام تسهر على رعايتها وصبرت واحتسبت  ولم ينكر الله قولها "ياليتنى مت قبل هذا وكنت نسيا منسيا " 
ابتلى يونس في قومه فالتقمه الحوت وعاش في بطن الحوت بضع سنين وصبر يونس واحتسب واستغفر ربه وداوم على تسبيحه  حتى تاب الله عليه .
 وذُبح السيد الحصور (الذى كان يمتنع عن النساء مع القدرة على اتيانهن) يحيى عليه السلام ابتلاءاً في دينه .

وقاسى الضرَّ والمرض والعذاب أيوب عليه السلام وابتلى  في امرأته أيضا حتى ان الله اصلح بينهما عندما أمره ان يضربها بالضغث وهو من باب التلطف والرحمة في العقوبة   ... 
ابتلى عيسى في خلقه وولادته ابتداءاً وابتلى في موته انتهاء فكانت رحلة حياته القصيرة تجربة ابتلاء لا تنتهى ... ولم يرد الله له ان يتزوج 

ابتلى محمد صلى الله عليه وسلم في حبيبته خديجة ولم ينسها يوما من الأيام ... ابتلى بفقده ولده وبكى وقال ما يرضى ربه ... ابتلى الرسول في حادثة الإفك في حبيبته عائشة ... ابتلى الرسول في زواج زينب وذلك لتنفيذ أمر الهى اختصه الله به 
ابتلى في أهله وعشيرته عندما لم يصدقوه .. ابتلى في غزوة أحد بانهزام المسلمين وكانوا على حق وأهل دعوة لله وخيرة الخلق بعد الرسل ... ابتلى الرسول في منافقين ويهود كانو يجاورونه في المدينة وكانوا يتربصون له رغم احسانه اليهم 

الشاهد من الأمر ان ابتلاء أحدهم في فقد أبيه أو زوجته أو حبيبته ما هي الا ابتلاءات قد لطف الله به عليه .. وانها لا تبارى ابتلاءات الأنبياء شيئا ... وأن الابتلاء لا يحدث للعاصي وحسب وليس في العادة تكفيرا للذنوب  والجامع بين كل الإبتلاءات أن اصحاب هذه الابتلاءات لم يكن لهم يد فيما ابتلوا فيه فلم يملك حبيب الله  من الأمر شئ عندما فارقته حبيبته خديجة  .. ولنا في ابتلاءات الأنبياء اسوة وسلوة وفرجا للأحزان والهموم فيارب اقدر لنا الخير حيث كان ثم رضنا به الله انا نسألك استحضار الجَلَدِ وحُسن الصبر  وعدم الجزع وألهمنا أن نقول ما يرضيك عنا عند الابتلاء ... ونحمدك أن لطفت بنا ... اللهم آجرنا في مصيبتنا واخلف لنا خيرا منها ... الله قدر لنا ما تشاء وتصرف فينا كيفما تشاء فنحن عبيدك بنو عبيدك وإمائك نواصينا بيدك .. ماضِ فينا حكمك .. ويقينا نعلم أنه عدلٌ فينا قضاءُك ... اللهم اذهب الهم والغم واجعل عدو الهم فرجا من عندك .. فالفرج من جندك المطيع الذى تسلطه على الهموم والحرج ... وسلط جيش يسرك على ما قدرت لنا من عسرك .. فسبحانك اللهم ان جعلت جيشك ضعف عدوه "فلن يغلب عسر يسرين "